Tinan 2026, SERVE rejista komersiál tipu neen hamutuk 4.791

DILI, 27 Outubru 2026 (TATOLI)—Servisu Rejistu no Verifikasaun Emprezariál, Institutu Públiku (SERVE, I.P) iha fulan Janeiru to'o Setembru 2026 ne'e rejiste ba komersiál foun ho tipu neen hamutuk 4.791.

Diretór Ezekutivu SERVE, I.P, Fausto Soares Dias, informa totál komersiál hirak ne'e kompostu husi ENIN hamutuk 2.572, Unip, Lda hamutuk 1.671, Lda, 526, Sosiedade Anónima (S.A) hamutuk haat (4), Fillial Estranjeiru (R.P) hamutuk 18 no Empreza Públika (E.P) laiha.

"Iha prosesu rejistu foun ne'e barak liu mak husi tipu ENIN, tanba ida-ne'e indika ba negósiu (kioské) kiik-oan sira-ne'ebé komunidade sira loke iha uma," Diretór ne'e relata ba Agência Tatoli iha nia kna'ar fatin Matadoru, ohin.

Nia hatutan, aleinde rejistu sira mós halo renovasaun ba komersiál, nune'e iha tinan 2026 ne'e sira konsege renova hamutuk 10504 ne'ebé kompostu husi ENIN hamutuk 2993, Unip, Lda hamutuk 5.625, Lda hamutuk 1.754, S.A hamutuk 57, R.P hamutuk 70 no Empreza Públika hsmutuk lima (5).

Jornalista : Alexandra da Costa

Editór : Cancio Ximenes